Ang Pinaka...

-
Kung inaakala mong si Bill Gates ang pinakamayaman sa buong mundo, nagkakamali ka. Dahil mula sa bansang mexico galing ang pinakamayamang tao na si Carlos Slim na may net worth na $74 billion. Pangalawa lamang ang founder ng Microsoft na may net worth namang $56 billion. Pero dahil sa patuloy ang takbo ng yaman ni Gates, malamang na siya naman ang manguna sa susunod na taon.

            Si Pacquiao naman ngayon ang may hawak ng titulo na pinakamaraming belt sa walong division ng boxing. Hindi tulad ni Floyd Mayweather na undefeated na may 5 world title lamang.

            Ayon naman sa FHM, si Rosie Huntington-Whiteley ang sexiest woman para sa taong 2011.

            Ang peregrine falcon ang pinakamabilis na hayop panghimpapawid na may 200 mph o 322 km/hr na bilis, samantalang ang sail fish naman ang nangunguna sa tubig na may 68 mph. Cheetah naman ang pinakamabilis sa lupa na may 70 mph o 113 km/hr na record.

Eh ano naman ngayon?

            Marami ng naitalang “pinaka” sa buong mundo. Magmula sa yaman, sports, personality at talent. Pinakamagaling, pinakamasagwa, pinakamabilis, pinakabongga o pinakakorni, meron tayo niyan. Lahat na meron, mapa-tao man o hayop.

            Kamakailan lang nagdebate kami ng mga katrabaho ko kung sino ang pinakamalakas na superhero sa buong mundo. Lahat pabor kay Superman. S-U-P-E-R nga eh. Puwera na lang kung naimbento na si Most Superman.

            Walang nananatili sa kategoryang pinaka. Lahat may katapat. Lahat nababasag ang record. Sabi nga ni Paul Pierce ng Boston Celtics, “records are meant to be broken”. Pinaka ka ngayon, baka bukas hindi na. Ultimong si Superman na “super” na, kryptonite pa rin ang katapat, at tinapatan din ni Doomsday. Kahit ang mga nasa talaan ng Guinness Book of Records, napapalitan din. Pati na ang mga youtube videos na naghi-hit ng ilang milyon.

            Hindi man Pilipinas ang nangungunang bansa sa mundo sa larangan ng kurapsyon (Somalia ang nangunguna), panget pa rin pakinggan. Pupusta ako, kapag may nagtanong sa’yo kung corrupt ba talaga ang Pinas, kung hindi ka man sasang-ayon, ngingiti ka na lang o iibahin mo ang topic. Sawa ka na kasi sa salitang “corrupt” at nakakangilo sa ngipin ‘pag sinabi ng pangulo na “titigil na ang kurapsyon”. Iisipin mong nagdyo-joke lang siya. At kung kelan mabubura ang bahid ng kurapsyon sa Perlas ng Silanganan, walang nakakaalam.

            Wala naman talagang pinaka. Nagbabago ang lahat depende sa panahon at sitwasyon. Dahil ang pinaka, laging may katapat. Ginagawa na lang batayan ng tao ang salitang pinaka para magpursige, magbalak, manahimik o mainggit. Dahil kadalasang ang mga taong may hawak ng titulong pinaka, kun’di man hanggaan ay sinisiraan.

            Ang lahat ay nagbabago. Tulad na lang ni Bin Laden na kasama sa listahan ng “most wanted”. Eliminated na siya. Iba na ang papalit sa titulo niya. At mas nakakabahala ang papalit, kung sino man siya.

            

Comments

Post a Comment

Popular posts from this blog

Imoral Noon, Moral na Ngayon

-
Image
Kamakailan lang may nakakwentuhan akong pastor (Baptist). Nakisali kasi ako sa usapan nilang magkaibigan na hindi naman nalalayo ang edad sa’kin. Bale nagtanong kasi siya kung ‘yun bang “judgment day” daw eh totoo. At dahil sa bihasa na sa bibliya, natawag ang pansin ko sa paraan ng pagpapaliwanag niya. Hindi ko rin naman maitatanggi na may punto naman ang lahat ng paliwanag niya, hanggang sa lumayo na ng lumayo at lumalim na ang diskusyon nila tungkol sa relihiyon, kaya pati ako nakisali na rin. At dahil nagpapanggap akong maraming alam kaya naitanong ko sa  pastor ang, “Kung ang lahat ng bagay may simula, saan at pa’no nagsimula ang Diyos?” (na sana hindi ko na lang tinanong kasi parang nagiba bigla ang mood niya). Sa totoo lang, hindi magandang isali sa debate o diskusyon ang relihiyon. Wala kasing nananalo, lalo pa na pareho namang galing lang sa iisang aklat ang ideya ng lahat, AT dumarami ang bilang ng uri ng relihiyon. Iba-iba na ang paniniwala, ‘yung paraan ng pananampal
Read more

Ang Mga Uri ng Titser Na Hindi Ko Makakalimutan

-
Image
Totoo, na mas naalala natin ang isang guro/titser dahil sa mga kapintasan nito kesa sa mga naituro nito sa’ten nung mga panahong kinakagat-kagat pa natin ang mongol para sa extension ng buhay ng pambura at auto-sosyal mode ka na agad kung sign pen ang gamit mo nung college ka (ayon kay Ginoong Joselito Delos Reyes). At kahit hindi pa kumpleto ang common sense natin nung ‘mag-a-aral’ pa lamang tayo, nabigyan na natin sila ng ‘code name’, na mas madaling bigkasin kesa sa apelyido nila (P.E. teacher ko dati, kahawig na kahawig ni Chiquito, peksman!). Minsan pa nga, naalala natin sila base sa kung pano sila manamit, magsalita, magmura at pumorma. At kung susuwertihin, naalala natin sila dahil naging crush natin sila. Pero dahil sadyang ipokrito/a tayong lahat, pinasasalamatan din naman natin ang lahat ng mga guro-slash-titser kahit sinumpa at inulan na natin sila ng mura makalipas ang halos isang dekada. Ganyan natin sila na-appreciate. Mahirap din isipin na minsan sinisisi
Read more

Bawal Basahin Ito!

-
BAWAL BASAHIN, NAKAMAMATAY Pero dahil nagtatalo ang konsensiya at ang pagiging curious mo sa mga bagay – kahit na bawal, ipipilit mo pa rin ang gusto mo sa dahilang gusto mong matugunan ang pangangailangan ng utak at damdamin mo, dahil sadyang masarap ang bawal. Mas maganda pa ngang sabihin na lang na “Bawal hindi subukan ang bawal”, tutal hindi naman natin kayang panindigan na ang salitang bawal ay nangangahulugan lang na ‘tanga ako minsan’, o ‘madalas bobo ako’. Baka mas epektibo pa nga ang babala na ganito ‘pag nagkataon: “BAWAL BASAHIN, MADE-DEACTIVATE ANG FACEBOOK ACCOUNT MO!” (para sa kapakanan ng bawat isa, minabuti ng awtor na gamitin ang salitang “AKO” bilang halimbawa sa mga kalokohan nating mga Pinoy para maiwasan ang turuan at sisihan) Mainit ang ulo ni  ‘AKO’ sa mga taong tapon lang ng tapon kung saan-saan, tapos sisihin ang gobyerno dahil sa kawalan ng pondo para malinis ang mga walang pakinabang na kanal at estero. Pero si ‘AKO’ kakatapos
Read more